Lesendabréf

Hlutverk vefsíðna er oftar en ekki að veiða neytendur með því að nýta sér tölfræði yfir fjölda heimsókna og selja svo síðarmeir þeim sem hafa ágirnd á auglýsingaplássi. Auðveld leið til að auka flettingar er að gera notendur að meðhöfundum efnis sem birtist á síðum í formi bloggs eða athugasemdakerfa (kommentakerfa). Á samskiptasíðum á borð við Facebook hefur slíkt gengið svo langt að notendur framleiða alfarið þá vöru sem seld er.

Róstur telja að athugasemdir undir greinum auki líkur á að vel unnið efni sé hraðlesið og athugasemdir fyrri lesenda fái í staðinn alla athygli þeirra sem síðar koma til að lesa. Ekki er þó vilji til að kæfa andsvör og gagnrýni á það efni sem birt er á síðunni. Til þess að koma til móts við bæði þessi sjónarmið hefur verið ákveðið að tileinka athugasemdum og lesendabréfum sérstakt svæði á síðunni. Reynt verður að svara gagnrýni og/eða spurningum eftir fremsta megni og leiðrétta villur eftir því hvers eðlis athugasemdirnar eru.

[Hafa samband]